२०८१ असार ३०, आईतबार
Health Aawaj logo
गृहपृष्ठसमाचारकोशी अस्पतालमा मृत्यु भएका युवाको पहिलो पिसिआर रिपोर्ट नेगेटिभ, दोस्रो पोजेटिभ

कोशी अस्पतालमा मृत्यु भएका युवाको पहिलो पिसिआर रिपोर्ट नेगेटिभ, दोस्रो पोजेटिभ


विराटनगर—कोशी अस्पतालको आइसोलेसनमा बिहीबार साँझ मृत्यु भएका विराटनगरका एक जना युवाको दुई खाले पिसिआर रिपोर्ट आएको छ । प्रदेश जनस्वास्थ्य प्रयोगशालामा गराएको पहिलो परीक्षणमा रिपोर्ट नेभेटिभ र दोस्रो पोजेटिभ आएको हो ।

दोस्रो रिपोर्टलाई मान्यता दिइने भएकोले कोशीमा मृत्यु भएका ती युवाको कोरोनाकै कारण भएको अस्पतालले जनाएको छ ।

श्वासप्रश्वास, उच्च ज्वरो र खोकीको बिरामी भएर अस्पताल भर्ना भएका ती पुरूषमा कोरोनासँग मिल्ने लक्षण देखिएको थियो । उपचारको क्रममा उनको बिहीबार ४ बजे मृत्यु भएको थियो । मृत्यु भएको पुरूषको पिसिआर परीक्षण गर्दा बिहीबार राति पहिलो रिपोर्ट नेगेटिभ आएको थियो ।

‘कोरोनासँग मिल्दोजुल्दो लक्षण थियो, रिपोर्ट नेगेटिभ आएपछि हामी पनि अचम्मा प¥यौं,’ अस्पतालका प्रवक्ता तथा आइसोलेसन विभागका इन्चार्ज डा. लक्ष्मीनारायण यादवले भने, ‘बिरामीका आफन्त र कुरूवासँग सल्लाह गरेपछि हामीले र पुनः स्वाब संकलन गरेर परीक्षण गर्न बिहीबार राति प्रयोगशाला पठायौं । शुक्रबार बिहान ७ बजे प्राप्त भएको दोस्रो रिपोर्टमा कोरोना पोजेटिभ देखियो ।’

स्वाब संकलन र परीक्षणमा बढी परिश्रम गर्नु परे पनि रिपोर्ट पोजेटिभ आएकाले कोरोना अन्यत्र फैलन सक्ने ठूलो खतरा टरेको उनले बताए । कोरोनाका कारण मृत्यु भएका पुरुषको शव परिवारलाई नदिइकन व्यवस्थापनका लागि मोरङको थलहा ब्यारेकबाट खटिने नेपाली सेनाको विशेष टोलीलाई बुझाउने तयारी गरेको कोशी अस्पतालका सुपरिटेन्डेन्ट डा. चुमनलाल दासले जानकारी दिए ।

यता प्रदेश जनस्वास्थ्य प्रयोगशला ल्याबमा सूचना अधिकारी प्रकाश कार्कीले स्वाब संकलनमा प्राविधिक त्रुटि भएकोले दोस्रो पटक पुनः स्वाब संकलन गरेर परीक्षण गर्दा रिपोर्ट पोजेटिभ आएको बताए ।

३० वर्षीय ती पुरुषको मृत्यु भएसँगै विराटनगरमा कोरोना संक्रमणका कारण ज्यान गुमाउनेको संख्या ६ पुगेको छ । यसअघि मृत्यु हुनेमा विराटनगर–९ का दुई, ३, ५ र १० वडाका एक÷एक जना पुरुष छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ