महोत्तरीमा कोरोना संक्रमणबाट १ जना वृद्वको मृत्यु

जनकपुर—महोत्तरीमा कोरोना संक्रमणबाट एक जनाको मृत्यु भएको छ । शनिबार महोत्तरीको पिपरा गाउँपालिका-७ का ७० वर्षीय पुरुषको कोरोना संक्रमणबाट मृत्यु भएको हो ।

स्वास्थ्य अवस्था जटिल बनेपछि बर्दिवासबाट थप उपचारको लागि विहान प्रादेशिक ल्याइएका मृतक वृद्वको मृत्यु भएको अस्पतालका निमित्त मेडिकल सुपरिटेन्डेन्ट डा. जामुनप्रसाद सिंहले बताए ।

यससँगै महोत्तरीमा कोरोना संक्रमणबाट मृत्यु हुनेको संख्या ७ पुगेको छ ।