विराटनगर—सुनसरीको धरानस्थित विपी स्वास्थ्य विज्ञान प्रतिष्ठानमा कोरोना संक्रमित आमा छोराको मृत्यु भएको छ । आइतबार विहान उपचारको क्रममा संक्रमित ७४ वर्षीया आमा र ६० वर्षका छोराको मृत्यु भएको हो ।
संक्रमित आमा छोराको ४५ मिनेटको फरकमा मृत्यु भएको छ । छोराको आइतबार विहान ७ः४५ मा मृत्यु भयो भने आमाको ८ः३० मा मृत्यु भएको प्रतिष्ठानका प्रवक्ता डा. निदेश सापकोटाले जानकारी दिए ।
संक्रमित महिलाका अत्याधिक खोकी, श्वास फेर्नमा समस्या, ज्यरो आएपछि शनिबार प्रतिष्ठानमा भर्ना भएको थियो । उपचारको क्रममा मृत्यु भएको प्रतिष्ठानका प्रवक्ता डा. सापकोटाले जानकारी दिए । मधुमेह, उच्च रक्तचापको पनि समस्या पनि थियो ।
यस्तै, छोरालाई पनि खोकी, ज्वरो र दीर्घ रोगका बिरामी रहेको प्रष्ठिानले जनाएको छ । मधुमेहको समस्या र २ महिनादेखि कलेजोमा समस्या देखिएको थियो ।
यो सँगै धरानमा कोरोना संक्रमितको मृत्यु हुनेको संख्या पाँच पुगेको छ । यस अघि एक जना महिला र दुई जना पुरुषको मृत्यु भइसकेको छ । प्रदेश १ मा
हालसम्म २२ जना कोरोना संक्रमितको मृत्यु भएको छ । संक्रमितमध्ये मोरङमा १६ जना, झापाको दमकका १ जनाको मृत्यु भएको छ ।
