२०८३ मंसिर १, मंगलवार
Health Aawaj logo
गृहपृष्ठ ∕ समाचार ∕ स्वास्थ्यको कारण देखाउँदैं चिकित्सक सांसदले दिए राजीनामा

स्वास्थ्यको कारण देखाउँदैं चिकित्सक सांसदले दिए राजीनामा


काठमाडौं–स्वास्थ्यको कारण देखाउँदैं एक जना चिकित्सक सांसदले प्रतिनिधीसभा सदस्यबाट राजीनामा दिएका छन् । सोमबार प्रतिनिधीसभामा सप्तरी–१ बाट प्रत्यक्ष निर्वाचित सांसद डा. सुर्यनारायण यादवले पदबाट राजीनामा दिएका हुन् ।

उनी समाजवादी पार्टीका सांसद हुन् । उनले सोमबारै स्वास्थ्यको कारण देखाउँदैं आफ्नो राजीनामा सभामुख कृष्णबहादुर महरालाई बुझाएका छन् । ‘संसद सचिवालयमा राजीनामा दर्ता भएको छ,’ सभामुखका प्रेस संयोजक डिल्ली मल्लले हेल्थआवाजसँग भने, ‘राजीनामा स्वीकृत हुनका लागि भने दलको कार्यलयले समेत अनुमति पत्र पठाउनुपर्छ, अनिमात्र स्वीकृत हुने हो । अनुमति पत्र आएको छैन् ।’

सप्तरीको तिरहुत गाउँपालिकाका स्थायीवासी डा. यादवले प्रतिनिधीसभा निर्वाचनमा वाम गठबन्धनका उम्मेदवारलाई ३ हजार ४ सय ८७ मतले पराजित गर्दै तत्कालीन संघीय समाजवादी फोरमबाट चुनाव जितेका थिए । उनले २१ हजार ७ सय १२ मत ल्याएका थिए । उनका निकटतम प्रतिद्धन्द्धी वाम गठबन्धनका उम्मेदवार अशोक मण्डलले १८ हजार २ सय २५ मत ल्याएका थिए ।

एमबीबीएस चिकित्सक डा. यादव पहिलो पटक गत प्रतिनिधीसभा निर्वाचनमा उम्मेदवार बनेका हुन् । उनले सुरुमा सद्भावना पार्टीबाट राजनीतिक सुरु गरेका थिए । तर, उनी गत निर्वाचनमा संघीय समाजवादी फोरमबाट निर्वाचनमा उम्मेदवार बनेर जित हासिल गरे ।

डा. लामो समय स्वास्थ्य पेशामा बिताएका सप्तरीका चर्चित चिकित्सक मानिन्छन् ।

डा.यादवको राजीनामा सभामुख  महराले स्वीकृत गरेपछि उक्त निर्वाचन क्षेत्र खाली हुनेछ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ