काठमाडौं उपत्यकामा ७६७ सहित थप १३२५ जना कोरोना पुष्टि

काठमाडौं– काठमाडौं उपत्यकामा ७ सय ६७ सहित थप १ हजार ३ सय २५ जना कोरोना पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घन्टामा  थप १ हजार ३ सय २५ जना कोरोना संक्रमण पुष्टि भएको हो ।

आइतबार १ हजार ३ सय २५ जना नयाँ संक्रमित थपिएसँगै नेपालमा संक्रमितको संख्या ६४ हजार १ सय २२ पुगेको छ। जसमध्ये १७ हजार ४ सय ७८ जना सक्रिय संक्रमित रहेका छन्।

पछिल्लो समय काठमाडौं उपत्यकामा पनि कोरोना तीव्र रुपमा फैलिरहेको छ । मन्त्रालयले जारी गरेको पछिल्लो विवरण अनुसार काठमाडौंमा मात्रै ६ सय २ जनामा कोरोना पुष्टि भएको छ । त्यस्तै, भक्तपुरमा १ सय १ जना र ललितपुरमा ६४  जना नयाँ संक्रमित थपिएका छन्।

पछिल्लो २४ घन्टामा उपचार पछि निको हुने संक्रमितको संख्या ९ सय ६६ रहेको छ। देशभर गरेर आज आइसियु १ सय ९० जना र भेन्टिलेटरमा ३६ जना  उपचाररत छन् ।

कुन प्रदेशमा थपिए कति संक्रमित ?