बी एण्ड सी अस्पतालका १२ जना स्वास्थ्यकर्मी कोरोना मुक्त

काठमाडौं– झापास्थित बी एण्ड सी अस्पतलका १२ जना स्वास्थ्यकर्मी कोरोना मुक्त भएका छन् । सोमबार २ चिकित्सक र १० नर्ससहित १२ जना स्वास्थ्यकर्मी कोरोना मुक्त भएको अस्पतालले जनाएको छ ।

स्टेसन मेडिकल वार्डमा कार्यरत उनीहरुमा १८ भदौमा कोरोना संक्रमण पुष्टि भएको थियो । उनीहरु अस्पतालकै आइसोलेसनमा बसेका थिए । आइतबार गरिएको पीसीआर परीक्षणमा सबैको कोरोना रिपोर्ट नेगेटिभ आएपछि सोमबार डिस्चार्ज भएका हुन् ।

कोारेना मुक्त भएका स्वास्थ्यकर्मीहरुलाई अस्पतालका कार्यकारी निर्देशक दर्गा प्रसाईँले फूलको गुच्छासहित खादा ओडाएर घर पठाएका छन् । बाह्रैै जना स्वास्थ्यकर्मी ४ दिन घरमा बसेपछि काममा फर्कने अस्पतालका जनसम्पर्क प्रमुख प्रमिश गिरीले जानकारी दिए ।