२०८१ असार ३, आईतबार
Health Aawaj logo
गृहपृष्ठसमाचार३ हजार ८ सय ९९ मा पीसीआर परीक्षण गर्न सक्छौं– निजी प्रयोगशाला व्यवसायी

३ हजार ८ सय ९९ मा पीसीआर परीक्षण गर्न सक्छौं– निजी प्रयोगशाला व्यवसायी


काठमाडौं– निजी प्रयोगशाला सञ्चालकहरुले कोभिड–१९ को आरटी पीसीआर परीक्षण ३ हजार ८ सय ९९ रुपैयाँमा गर्ने भएका छन् । सरकारले निर्धारण गरेको २ हजार रुपैयाँमा पीसीआर परीक्षण गर्न नसक्ने बताउँदै आएका उनीहरुले ३ हजार ८ सय ९९ रुपैयाँसम्म पीसीआर परीक्षण गर्न सक्ने बताएका हुन् ।

मन्त्रालयले निर्धारण गरेको भन्दा पनि विश्व स्वास्थ्य संगठनको मापदण्ड बमोजिम निर्धारित शुल्क ३ हजार ८ सय ९९ रुपैयाँमा यथार्थपरक रहेको निजी ल्याब तथा अस्पतालले जारी गरेको प्रेस विज्ञप्तीमा उल्लेख छ ।

हाल शुल्कको विषयमा मन्त्रालयसँग छलफल भैरहेको छ र छलफल सकारात्मक भएको जनाइएको छ । मन्त्रालयले नयाँ दररेट नतोकेसम्म ३ हजार ८ सय ९९ रुपैयाँमै पीसीआर परीक्षण गर्ने विज्ञप्तीमा भनिएको छ ।

निजी ल्याबहरुले यसअघि ४ हजार ४ सय रुपैयाँ लिएर पीसीआर परीक्षण गरिरहेका थिए । त्यसलाई घटाएर ३ हजार ८ सय ९९ रुपैयाँमा गर्ने घोषणा गरेका हुन् । केही निजी अस्पताल तथा प्रयोगशालाहरुले भने सरकारले तोकेको २ हजारमै पीसीआर परीक्षण गर्दै आएका छन् ।

 


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ