२०८१ साउन ६, आईतबार
Health Aawaj logo
गृहपृष्ठसमाचारग्रान्डी अस्पतालले कोभिड–१९ का बिरामीलाई १ सयभन्दा बढी प्लाज्मा उपलब्ध गरायो

ग्रान्डी अस्पतालले कोभिड–१९ का बिरामीलाई १ सयभन्दा बढी प्लाज्मा उपलब्ध गरायो


काठमाडौं– धापासीस्थित ग्रान्डी इन्टरनेशनल अस्पतालले कोभिड–१९ का बिरामीलाई एक सय भन्दा बढी कन्भालेसेन्ट प्लाज्मा उपलब्ध गराएको छ । १६ असारदेखि हालसम्म अस्पतालले १४ वटा अस्पतालहरुमार्फत १ सयभन्दा बढी प्लाज्मा आवश्यक बिरामीहरुलाई उपलब्ध गराइएको अस्पतालले जारी गरेको विज्ञप्तीमा जनाइएको छ ।

हाल नेपाल सरकारले क्लिनिकल ट्रायलको रुपमा मान्यता दिएको प्लाज्मालाई नेपालमा पहिलोपटक ग्रान्डी अस्पतालका डा. विपिन नेपालको नेतृत्वमा बनाइएको थियो । कोभिडबाट निको भैसकेका बिरामीको रगतमा कोरोना भाइरस विरुद्ध लडन सक्ने क्षमता (एन्टिबडी) हुने भएकाले उनीहरुले गरेको रक्तदानबाट प्लाज्मा उत्पादन गरिन्छ ।

कोरोनाको महामारीका बीचमा पनि ग्रान्डी अस्पतालले स्वास्थ्य सेवा प्रदान गर्दै आएको छ । यसैक्रममा कोभिडका बिरामीहरुका लागि कोभिड वार्ड, तथा भेन्टिलेटरसहितको कोभिड आइसियुको व्यवस्था गरी कोभिडका बिरामीको उपचार गरिरहेको विज्ञप्तीमा उल्लेख छ ।

 


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ