२०८१ असार ३०, आईतबार
Health Aawaj logo
गृहपृष्ठसमाचारडा. केसीको सत्याग्रह भोलिसम्म पनि अन्त्य नभए कडा आन्दोलन गर्ने एनएमएको चेतावनी

डा. केसीको सत्याग्रह भोलिसम्म पनि अन्त्य नभए कडा आन्दोलन गर्ने एनएमएको चेतावनी


काठमाडौँ – सत्याग्रहको २७ औं दिन वितिसक्दा पनि डा. गोविन्द केसीको जीवन रक्षाको निम्ति सरकार गम्भीर नभएको भन्दै नेपाल चिकित्सक संघ(एनएमए)ले आपति जनाएको छ। संघले शनिबार विज्ञप्ति जारी गर्दै केसीको जीवन रक्षाको निम्ति सरकार गम्भिर नदेखिएको र वार्ता पनि औपचारिकतामा मात्रै सिमित गरेकोमा आपति जनाएको हो।

यसको साथै संघले २५ गतेसम्म पनि सत्याग्रह अन्त्य नभए कडा आन्दोलन गर्ने विज्ञप्ति मार्फत उल्लेख गरेको छ। डा. केसीसँग सरकारले वार्ता सुरु गरेपछि संघले शुक्रबार गर्ने भनिएको आन्दोलन स्थगित गरेको थियो। तर सरकारसँगको वार्ता विना निस्कर्ष औपचारिकतामा मात्रै सिमित भएको भन्दै डा. केसीको सत्याग्रह अन्त्य नभएमा कडा आन्दोलन गर्ने संघले चेतावनी दिएको छ।

त्यस्तै, डा. केसीको जीवनरक्षाको निम्ति संघले सहजीकरणको भूमिका निर्वाह गरिरहेको बताउँदै २५ गते आइतबार देशभरका स्वास्थ्यसँस्था, तथा अस्पतालको आकस्मिक सेवा र कोभिडको उपचार बाहेक सम्पूर्ण सेवा बहिष्कार गर्ने निर्णय भएको संघले उल्लेख गरेको छ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ