काठमाडौं—नेपालमा थप २ हजार ५ सय ७१ जनामा कोरोना संक्रमण पुष्टि भएको छ । पछिल्लो २४ घण्टामा थप २ हजार ५ सय ७१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो।
कोरोना संक्रमणबाट काठमाडौँ जिल्ला सबैभन्दा बढी प्रभावित छ। काठमाडौं उपत्यकामा सोमबार मात्र १ हजार ४ सय २८ जना संक्रमित थपिएका छन् । जसमध्ये ६ सय ३० महिला र ७ सय ९८ पुरुष रहेका छन् ।
यस्तै, पछिल्लो २४ घण्टामा कोरोनामुक्त हुने संख्या १ हजार ७ सय ९८ जना रहेका छन् ।
यस्तै, हाल आइसीयुमा ४ सय ११ जना र भेन्टिलेटरमा ८३ जना संक्रमित छन् ।
यता, एकैदिन १८ जना संक्रमितले ज्यान गुमाएका छन् । थप १८ सहित नेपालमा मृत्यु हुने संक्रमितको संख्या १ हजार १ सय २३ रहेको छ ।
