२०८१ असार २, शनिबार
Health Aawaj logo
गृहपृष्ठसमाचार‘सुसाइड नोट’ लेखेर बेपत्ता डाक्टर काभ्रेमा सकुशल भेटिए

‘सुसाइड नोट’ लेखेर बेपत्ता डाक्टर काभ्रेमा सकुशल भेटिए


काठमाडौं—सामाजिक सन्जाल फेसबुकमा सुसाइड नोट पोष्ट गरेर वेपत्ता भएका डाक्टरलाई प्रहरीले सकुशल फेला पारेको छ ।

भक्तपुरस्थित द डेन्टल सिटी नामक क्लिनिकका निर्देशक डा. दिगम्बर झा काभ्रेको ५५ किलो भन्ने ठाउँमा सकुशल भेटिएको भक्तपुर प्रहरी प्रमुख एसपी तारा थापाले जानकारी दिइन् ।

‘हाम्रो समन्वयमा काभ्रे प्रहरीले फेला पारेको हो,’ थापाले हेल्थआवाजसँग भनिन्, ‘दिउँसो १ः३० बजेतिर हामीले सकुशल फेला पारेका हौं ।’

डा. झाले विहान फेसबुकमा आत्महत्या गर्न लागेको भनेर लामो ‘सुसाइड नोट’ पोष्ट गरेका थिए । लगतै उनको खोजीमा भक्तपुर र काभ्रे प्रहरी जुटेको थियो ।

उनको फोन ट्रेसिङ गरेर प्रहरीले खोजबिन गरेपछि मंगबार दिउँसो उनी काभ्रेको ५५ किलोमा सकुशल फेला परेका हुन् । उनको परिवारसँग सम्बन्ध राम्रो नभएको प्रहरीले जनाएको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ