२०८१ असार ५, मंगलबार
Health Aawaj logo
गृहपृष्ठसमाचारकर्णालीमा थप एक जना कोरोना संक्रमितको मृत्यु, कर्णालीमा मृतकको संख्या १७ पुग्यो

कर्णालीमा थप एक जना कोरोना संक्रमितको मृत्यु, कर्णालीमा मृतकको संख्या १७ पुग्यो


सुर्खेत—कर्णाली प्रदेशमा थप एक जना कोरोना संक्रमितको मृत्यु भएको छ । वीरेन्द्रनगर–८ निवासी ६० वर्षीय पुरुषको कर्णाली प्रदेश अस्पतालमा उपचारको क्रममा मृत्यु भएको हो ।

कार्तिक २३ गते कोरोना पुष्टि भएका उनी होम आइसोलेसनमा बसेका थिए । श्वास फेर्न कठिनाई भएपछि कार्तिक २४ गते प्रदेश अस्पताल भर्ना गरिएको थियो ।

अस्पताल भर्ना हुँदा अक्सिजन स्याचुरेसन न्यून रहेको र उनलाई आकस्मिक तथा अन्य उपचारका साथै अक्सिजन दिएपनि बचाउन नसिकएको सामाजिक विकास मन्त्रालय स्वास्थ्य सेवा महाशाखाका स्वास्थ्य शिक्षा अधिकृत नवराज कँडेलले जानकारी दिए ।

आज बिहान अक्सिजन स्याचुरेसन घट्दै गएको र छातीमा थिचेर ब्युँताउने प्रयास गरिएपनि स्वास्थ्य अवस्थामा सुधार नभएपछि आज विहान ४ बजे उनको मृत्यु भएको कँडेलको भनाइ छ ।

उनको शव व्यवस्थापन गर्न जनस्वास्थ्य सेवा कार्यालयको समन्वय तथा नेपाली सेनाको सहयोगमा तयारी भइरहेको छ । योसँगै कर्णालीमा कोरोना संक्रमणबाट मृत्यु हुनेको संख्या १७ पुगेको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ