पहिलो प्रदेशस्तरीय सरुवा रोग अस्पतालको निर्देशकमा डा. गौचन नियुक्त

काठमाडौँ – पहिलो प्रदेश स्तरीय सरुवा रोग अस्पतालको निर्देशकमा डा. विकास गौचन नियुक्त भएका छन्। गण्डकी प्रदेशअन्तर्गतको प्रदेश संक्रामक रोग तथा सरुवा रोग अस्पतालको निर्देशकमा डा. गौचन नियुक्त भएका हुन् ।

खुल्ला प्रतिस्पर्धाबाट नियुक्त भएका उनी यसअघि न्याय  हेल्थ नेपालले संचालन गर्दै आएको अछामको बयलपाटा सामुदायिक अस्पतालमा निर्देशकको रुपमा कार्यरत थिए।

सरकारले चालु आर्थिक वर्षमा ७ वटै प्रदेशमा ५०शैय्याको सरुवा रोग अस्पताल स्थापना गर्ने घोषणा गरेको थियो। सोहि घोषणाअन्तर्गत गण्डकी प्रदेश सरकारले कार्यकारी निर्देशकको लागि खुल्ला प्रतिस्पर्धाबाट उम्मेद्वार आह्वान गरेको थियो।