२०७८ असार ४, शुक्रबार
Health Aawaj logo
गृहपृष्ठसमाचारकोभिड अवधिभर ‘एक चिकित्सक, एक स्वास्थ्य संस्था’ लागु हुने

कोभिड अवधिभर ‘एक चिकित्सक, एक स्वास्थ्य संस्था’ लागु हुने


काठमाडौं–स्वास्थ्य तथा जनसंख्या मन्त्रालयले कोभिड–१९ अवधिभर ‘एक चिकित्सक, एक स्वास्थ्य संस्था’ लागु गर्ने भएको छ । मंगलबार मन्त्रालयको इन्सिडेन्ट कमाण्ड सिष्टम (आईसीएस)को बैठकले यस्तो निर्णय गरेको हो ।

मन्त्रालयका सचिव लक्ष्मण अर्यालले  कोभिड–१९ अवधिभर ‘एक चिकित्सक, एक स्वास्थ्य संस्था’ लागु गर्ने निर्णय भएको छ । ‘आजको आईसीएस बैठकले कोभिड अवधिभर ‘एक चिकित्सक, एक स्वास्थ्य संस्था’ लागु गर्ने निर्णय गरेको छ,’ उनले भने, ‘यसले कोभिडको उपचार, नियन्त्रण र रोकथाममा सहयोग पुग्नेछ ।’

यससँगै अब एक चिकित्सकले एक स्वास्थ्य संस्था वा अस्पतालमा मात्रै काम गर्ने पाइनेछ ।

कोभिड–१९ को दोस्रो लहर तीव्र रुपमा फैलिएसँगै मन्त्रालयले यस्तो निर्णय गरेको हो । अहिले कोभिड–१९ का संक्रमितहरुको उपचारमा चिकित्सक सबै ठाउँमा नभएका कारण पनि समस्या हुने गरेको छ । मन्त्रालयको यो निर्णयले उक्त समस्या हल हुनेछ ।

यसअघि मन्त्रालयको ‘एक चिकित्सक, एक स्वास्थ्य संस्था’ को कार्यविधि नै तयार पारेर दीर्घकालीन रुपमा यो व्यवस्था लागु गर्ने तयारी गरेको थियो । तर, नेपालको स्वास्थ्य क्षेत्रमा माइलस्टोन हुने ठानिएको उक्त कार्यविधी लागु गर्नका लागि अर्थ मन्त्रालयले स्वीकृत नदिएपछि त्यसै रोकिएको थियो ।

यो पनि पढ्नुस

‘एक चिकित्सक-एक स्वास्थ्य संस्था’ : १ लाख ६६ हजारदेखि ४ लाख ११ हजारसम्म तलब-भत्ता


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)