२०७८ असार ९, बुधबार
Health Aawaj logo
गृहपृष्ठसमाचारचीनबाट ल्याइएको खोप ६० देखि ६४ वर्ष उमेर समूहकालाई लगाइने

चीनबाट ल्याइएको खोप ६० देखि ६४ वर्ष उमेर समूहकालाई लगाइने


काठमाडौं सरकारकाले चीनबाट अनुदानमा ल्याएको कोभिड १९ विरुद्धको भेरोसेल खोप ६० देखि ६४ वर्ष उमेरसमूहका नागरिकलाई दिने भएको छ । स्वास्थ्य तथा जनसंख्या मन्त्रालयकाअनुसार २५ जेठबाट कोभिड–१९ विरुद्धको खोप लगाइने छ ।

स्वास्थ्य मन्त्रालयका प्रवक्ता डा. कृष्ण पौडेलकाअनुसार चीनसँग सीमा जोडिएका हिमाली जिल्लाका १८ वर्षभन्दामाथि नागरिकलाई पनि भेरोसेल लगाइनेछ । दोस्रो डोजको सुनिश्चितता गरेरै भेरोसेल खोप दिन लागिएको उनले जानकारी दिए ।

चीनले अनुदानमा दिएको १० लाख डोज खोपमध्ये मंगलबार ९ लाख डोज नेपाल आइपुगेको छ । बुधबार थप १ लाख खोप नेपाल आइपुग्नेछ ।

यसअघि भेरोसेल खोप ६० वर्षभन्दा माथिका नागरिकलाई लगाउन नमिल्ने भन्दै नेपालमा ५९ वर्षसम्मका नागरिकलाई दिइएको थियो । यद्यपि, केही दिन अघिमात्र विश्व स्वास्थ्य संगठन (डब्लुएचओ)ले ६० वर्षभन्दा माथि उमेरसमूहलाई पनि भेरोसेल लगाउन मिल्ने जनाएसँगै यो समूहलाई खोप दिन लागिएको पौडेलले जानकारी दिए ।

‘यसअघि डब्लुएचओले ५९ वर्षसम्मका नागरिकलाई भेरोसेल दिन सकिने भनेको थियो,’ उनले भने, ‘तर, अहिले ६० वर्षभन्दा माथिकालाई पनि दिन मिल्ने भनेको र खोप सल्लाहकार समितिले पनि लगाउन मिल्छ भनेपछि यस्तो निर्णय गरेका हौं ।’

नेपालमा ६० वर्षभन्दा माथिका नागरिकको संख्या ८ लाख ५५ हजार रहेको डा. पौडेलले जानकारी दिए । साथै, खोप लगाउन जाँदा नागरिकता वा उमेर खुल्ने कुनैपनि सरकारी कागजात वा वडा कार्यालयले दिएको सिफारिस अनिवार्य साथमा लिएर जान उनको अनुरोध छ ।

यसैगरी, खोप केन्द्र तोक्नका लागि सम्बन्धित जिल्ला समन्वय समितिलाई जिम्मा दिइएको डा. पौडेल बताउँछन् । ‘खोप केन्द्र तोक्न जिल्ला समन्वय समितिलाई अधिकार दिइएको छ,’ उनले भने, ‘आज भोलि नै त्यसको टुंगो लाग्नेछ ।’


क्याटेगोरी : समाचार
ट्याग : #भेरोसेल खोप


तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)