काठमाडौं–स्वास्थ्य सेवा विभागको केन्द्रीय स्टोरबाट कोभिड–१९ दोस्रो लहर सुरु भएपछि ७७ वटा भेन्टिलेटर विभिन्न अस्पतालहरुलाई बाँडिएको छ । विभागको तथ्यांकअनुसार १ बैशाखदेखि २४ जेठसम्म भेन्टिलेटरबाहेकका विभिन्न २२ वटा स्वास्थ्य सामाग्री बाँडिएका छन् ।
जसमा पिसिआर टेष्ट किट २ लाख ७९ हजार १ सय २४, आरएनए एक्ट्याक्सन किट १ लाख ५४ हजार ४ सय ८०, आरएनए एक्ट्याक्सन किट (अटोमेटेड) २३ हजार, भिटिएम २ लाख ७ हजार २ सय बाँडिएको छ ।
यस्तै, एन्टीजेन किट (कोभिड–१९) १४ लाख ३८ हजार २५, मास्क (कोभिड–१९) ८२ लाख ४२ हजार ५ सय ५ , एन-९५ मास्क ४ लाख ४७ हजार ३ सय ४१, गाउन सेट (कोभिड–१९) १ लाख ४५ हजार ४ सय २२, गाउन रियुजेबल १६ हजार ३ सय ८० थान वितरण गरिएको छ । यो अवधिमा फेसशिल्ड २ लाख २५ हजार ८ सय ७१, एक्जामिनेसन ग्लोब ५ लाख ९४ हजार १ सय ५० थान वितरण भएको छ ।
विभागकाअनुसार अक्सिजन कन्सनटेटर ७ सय ३७, अक्सिजन कन्सनटेटर १०एल ३३, ब्याटीसहितका अक्सिजन कन्सनटेटर ४६, अक्सिजन सिलिण्डर ४० लि. ५ हजार १ सय ३९, अक्सिजन ग्याँस सिलिण्डर ४० लि. ३ सय ६९, बिप्याप मेसिन १०९, सीप्याप २० वटा वितरण गरिएको छ ।
यस्तै, मोनिटर ४ वटा, पल्स अक्सिमिटर ४ हजार ५ सय ७४ वटा र हाइफ्लो नोजल क्यानुला ८९ वटा वितरण गरिएको छ ।
