थपिए २४७६ कोभिड संक्रमित, २७को मृत्यु

काठमाडौँ – थप २ हजार ४ सय ७६ जनामा कोभिड-१९ पुष्टि भएको छ । पछिल्लो २४ घण्टामा थप २ हजार ४ सय ७६ जनामा संक्रमण पुष्टि भएको स्वास्थ्य तथा जनसंख्या ममन्त्रालयले जनाएको हो ।

मन्त्रालयका अनुसार पछिल्लो २४ घण्टामा थप ५ हजार ४ सय ५५ जना संक्रमित निको भएका छन् । यससँगै नेपालमा उपचारपछि निको हुने संक्रमितको संख्या ५ लाख ७६ हजार ४ सय १३ पुगेको छ ।

यता, पछिल्लो २४ घण्टामा २७ जनाले ज्यान गुमाएका छन् । यससँगै नेपालमा कोभिडका कारण मृत्यु हुने संख्या ८ हजार ९ सय ४५ पुगेको छ ।