२०८१ असार ९, शनिबार
Health Aawaj logo
गृहपृष्ठप्रदेश १आन्दोलनकारीले विपी प्रतिष्ठानका पदाधिकारीको गाडीको चाबी खोसे, भोलिदेखि रिले अनशन थाल्ने

आन्दोलनकारीले विपी प्रतिष्ठानका पदाधिकारीको गाडीको चाबी खोसे, भोलिदेखि रिले अनशन थाल्ने


विराटनगर-सुनसरीको धरानस्थित विपी कोइराला स्वास्थ्य विज्ञान प्रतिष्ठानमा आन्दोलनरत चिकित्सक, विद्यार्थी तथा कर्मचारीहरुले प्रतिष्ठानका सबै पदाधिकारीको गाडीको चाबी खोसेका छन् । आइतबार प्रतिष्ठानका उपकुलपति डा. ज्ञानेन्द्र गिरीसहितका पदाधिकारीले पूर्णतः वेवास्ता गरेको भन्दै आन्दोलनकारीले उनीहरुको गाडीको चाबी खोसेका हुन् ।

यसक्रममा अस्पताल निर्देशक प्रा.डा. गौरीशंकर साह, रजिष्ट्रार प्रा.डा. मोहनचन्द्र रेग्मी, शिक्षाध्यक्ष प्रा.डा. गुरु खनालको गाडीको चाबी खोसिएको आन्दोलनकारी विद्यार्थी डा. अमृत जैसीले जानकारी दिए । उपकुलपति गिरी चाहिँ धरानमा आन्दोलन सुरु हुने बित्तिकैदेखि काठमाडौं गएर बसेका छन् ।

आइतबार आन्दोलनकारीले प्रतिष्ठान परिसरमा शक्ति प्रदर्शन गर्दै पदाधिकारीहरुको जवाफदेहिताहीन कार्यशैलीको आलोचना पनि गरेका थिए । आजको प्रदर्शनमा प्रतिष्ठानका विभागीय प्रमुखहरु पनि सहभागी भएका थिए । आन्दोलनकारीहरुले सोमबारदेखि रिले अनशन थाल्ने घोषणा पनि गरेका छन् ।

प्रतिष्ठानभित्रको बेथितिबारे लेख्दै बोल्दै आएका फ्याकल्टी वेलफेयर सोसाइटीका अध्यक्ष डा. विष्णु पोखरेललाई उपकुलपतिले स्पष्टीकरण सोधेपछि त्यसको विरोधमा आन्दोलन सुरु भएको थियो । आन्दोलन अहिले प्रतिष्ठानको समग्र सु्धारको मुद्दामा सोझिएको छ । प्रतिष्ठानभित्रका अनियमितता तथा पदाधिकारीहरुको मनपरीविरुद्ध संयुक्त संघर्ष समिति बनाएर आन्दोलन चलेको १३ दिन भएको छ ।


क्याटेगोरी : प्रदेश १, समाचार



तपाईको प्रतिक्रिया दिनुहोस


ट्रेण्डिङ