जीन सिक्वेन्सिङ अब नेपालमै

काठमाडौँ – नेपालको सरकारी प्रयोगशालाहरुमा जीन सिक्वेन्सिङ परीक्षणको सुरुवात भएको छ। राष्ट्रिय जनस्वास्थ्य प्रयोशालाले सोमबार सूचना जारी गरी जीन सिक्वेन्सिङ परीक्षणको सुरुवात भएको जानकारी दिएको हो।

यसअघि नेपालमा जीन सिक्वेन्सिङका उपकरण तथा परीक्षण व्यवस्था नभएको कारण विदेशमा नमुना पठाइने गरिन्थ्यो।

प्रयोगशालाकी निर्देशक डा. रुना झाको अनुसार त्रि.विको केन्द्रिय बायोटेक्नोलोजी विभागमा १६ र प्रयोगशाला २६ नयाँ नुमना जम्म गरी ४२ वटा नुमनाको जीन सिक्वेन्सिङ गरिएको छ । जसमध्ये ४१ वटा नमुना  भाद्र र असोजमा संकलन भएका छन् ।

भाद्र र असोजमा संकलन भएका सबै नुमनामा डेल्टा भेरियन्ट देखिएको  प्रयोगशालाले जनाएको छ।