नेपालमा थप ३९० जनामा कोभिड-१९ संक्रमण, ४२५ जना संक्रमणमुक्त

काठमाडौं—नेपालमा थप ३ सय ९० जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा ३ सय ९० जनामा कोभिड पोजेटिभ देखिएको हो ।

यससँगै नेपालमा अहिलेसम्म कोभिड-१९ बाट संक्रमित हुनेको संख्या ८ लाख १४ हजार ९ सय २९ पुगेको छ ।

पछिल्लो २४ घण्टामा ४ सय २५ जना कोभिड-१९ संक्रमणमुक्त भएका छन् । यससँगै अहिलेसम्म कोभिड-१९ संक्रमणमुक्त हुनेहरुको संख्या ७ लाख ९५ हजार ८ सय २२ पुगेको छ ।

मन्त्रालयकाअनुसार पछिल्लो २४ घण्टामा कोभिड-१९ संक्रमणबाट थप ५ जनाको मृत्यु भएको छ । नेपालमा अहिलेसम्म कोभिड-१९ का कारण ज्यान गुमाउनेको संख्या ११ हजार ४ सय ५३ पुगेको छ ।