क्यान्सर रोग एउटा ठूलो व्यवसाय बन्दैछ भन्दा धेरैलाई हासो उठ्ला, तर उपचारको सन्दर्भलाई हेर्दा पछिल्लो समयमा यसले एउटा आकर्षक व्यवसायको रुप लिएको छ । यसलाई पुष्टि गर्न सरोकारवालाहरुले विभिन्न प्रमाण समेत पेश गरेका छन् । अमेरिकाको योर न्युज वायरका अनुसार कम खर्चिलो, प्राकृतिक र वैकल्पिक उपचारको खोजी गर्ने हो भने स्वास्थ उपचार उद्योगबाट प्राप्त हुने राजस्वको मुख्य स्रोत नै ठप्प हुन्छ ।
क्यान्सर कसरी ठूलो व्यवसाय बन्दैछ भन्ने बारेमा एक पटक सोच्नुहोस त । अत्याधुनिक प्रविधि र आविष्कार हुनु भन्दाअगाडि सन् १९४० को दशककमा हरेक १६ जनामध्ये एक जनालाई क्यान्सर हुन्थ्यो । सन् १९७० को दशकमा सो अनुपात घटेर हरेक १० मध्ये एक जनामा क्यान्सर देखिन थाल्यो । अहिले हरेक दुई पुरुषमध्ये एक जना कुनै न कुनै प्रकारको क्यान्सरबाट पीडित हुने गरेका छन, जबकी यो अनुपात महिलामा केही कम छ । हरेक ३ मध्ये एक महिला क्यान्सरबाट पीडित छन् ।
हेल्थ इम्प्याक्ट नामक म्यागेजिनले अगाडि लेख्छ, ‘हामीले क्यान्सरसँगको युद्ध हारिसकेका छौ । ’ ‘क्यान्सर उद्योग अमेरिकामा सम्भवत निकै सफल व्यापार बनेको छ । सन् २०१४ मा झण्डै १६ लाख ६५ हजार ५ सय ४० ओटा नयाँ क्यान्सरका केस पत्ता लागेको थियो भने क्यान्सरका कारण ५ लाख ८५ हजार ७ सय २० क्यासरबाट मृत्यु भएको थियो ।
कर तिरको रकमको ६ अरब डलर रकम नेसनल क्यान्सर इन्स्टिच्युट (एनसीआई) जस्ता क्यान्सर अनुसन्धानका लागि विभिन्न संघीय निकाय मार्फत प्राप्त भएको थियो । एनसीआईका अनुसार क्यान्सर उपचारको लागि मेडिकल खर्च १२५ अर्ब डलर पुगेको छ र अगामी २०२० सम्ममा यो खर्च ३९ प्रतिशत अर्थात १७३ डलरले बढ्नेछ ।
केही संसयवादीका अनुसार क्यान्सर उपचार आफैमा एउटा आकर्षक उद्योग हो, जहाँ धेरै मानिसहरुले रोजगारी पाएका छन् र आम्दानी पनि प्रशस्त हुने गरेका छन् । वास्तवमा क्यान्सर उपचारमाथिको वर्तमान अनुसन्धान यो मान्यतामा आधारित छ की यसको बजारसँगै रोग पनि बृद्धि हुन्छ ।
सन् २०१० मा फिल्म निर्माता वायन चेस्लरले निर्माण गरेको कट पोइजन बर्न शीर्षकको वृत्तचित्रमा अमेरिकामा क्यान्सरका लागि गरिने परम्परागत उपचार (सर्जरी, केमोथेरापी र रेडियसन) मा भ्रष्टाचार लगायत अनेक अनियमितता हुने उल्लेख छ । योर न्युजले सो वृत्तचित्रबाट मेडिकल क्षेत्रका केही व्यक्तिको केही मननीय भनाई समेत निकालेको थियो ।
‘सन् १९२० देखि वर्तमान अवस्थासम्म बयस्कहरुको क्यान्सर उपचारमा हामीले थोरै प्रगति गरेका छौ । तसर्थ, प्रोटेस्ट क्यान्सर वा स्तन क्यान्सर भएका व्यक्ति सन् १९२० को तुलनमा धेरै बाँच्छन’ सिमोन प्रोटेक्टिभ क्यान्सर सेन्टरका संस्थापक चाल्र्स सिमनको भनाई उदृत गर्दै वृत्तचित्रमा उल्लेख गरिएको छ ।
‘क्यान्सर शब्द सुन्ने वित्तिकै मानिसहरु किन यति भयभित हुन्छन ? किनकी परम्परागत क्यान्सर उपचार विधिले काम गर्दैन भन्ने उनीहरुलाई राम्रै थाहा छ,’ ह्वाइटेक वेलनेस इन्स्टिच्युटका संस्थापक डा जुलियान ह्वाइटेक भन्छन् ।
एजेन्सी
