विदा नलिइ १५ दिन अस्पताल नपुगेका डा. सुजितलाई कारवाही हुने, सफाइ दिन आदेश

काठमाडौँ -सशस्त्र प्रहरी अस्पतालमा कार्यरत  प्रहरी निरिक्षक डा. सुजितकुमार साहलाई पदीय जिम्मेवारी एवं आचरण विपरीत कार्य गरेको देखिएको भन्दै गृह मन्त्रालयले कारबाही गर्ने जनाएको छ।

मन्त्रालयले सूचना जारी गर्दै पदीय जिम्मेवारी विपरित कार्य गरेको पाइएको भन्दै भविष्यमा सरकारी सेवाको निमित्त अयोग्य नठहरिने गरी सेवाबाट हटाउन लागेको जनाएको हो।

सूचना अनुसार उनी विदा स्वीकृति नगराइ साह गत वैशाख १३ गतेदेखि अस्पतालमा अनुपस्थित भएका थिए। कारवाही गर्न नपर्ने भए सात दिनभित्र सफाइ पेश गर्न मन्त्रालयले भनेको छ।