झापा—झापास्थित बीएण्डसी मेडिकल कलेज एण्ड रिसर्च सेन्टर दुबईमा खोल्ने सम्झौता भएको छ । आइतबार संयुक्त अरब इमिरेट्स (युएई)का राजकुमार शेख मोहम्द विन मक्तोमिउम जुमाल मक्तोउम र बीएण्डसी मेडिकल कलेजका कार्यकारी निर्देशक दुर्गा प्रसाईबीच सम्झौतामा पत्रमा हस्ताक्षर भएको हो ।
वार्षिक ५ सय मेडिकल स्टुडेन्ट पढाउने गरी बीएण्डसी दुबईमा खोल्ने सम्झौता भएको हो । ‘नेपालको परिवारसँग सहकार्य गर्न पाउँदा ज्यादैं खुसी भएको छु,’ युएईका राजकुमारले सम्झौतापछि भने, ‘मानवतालाई केहीले छेक्न सक्दैन । म फरक भूगोलको तपाईहरु फरक भूगोलको तर मानवता ठूलो कुरा हो ।’
बीएण्डसीले पूर्वाधारलगायतका मेडिकल कलेजका लागि आवश्यक मापदण्ड पूरा गरेपनि अहिलेसम्म चिकित्सा शिक्षाका कार्यक्रम चलाउन पाएको छैन ।
यसैगरी, प्रसाईले राजकुमार शेख मोहम्मदसँग नेपालबाट दुबईमा पानी सप्लाई गर्ने सम्झौता पनि गरेका छन् ।
शेख शनिबार पूर्वाञ्चल क्यान्सर अस्पतालले पेट सिटी स्क्यान सेवाको उद्घाटन गर्न झापा पुगेका हुन् । आइतबार नै उनले पूर्वाञ्चल क्यान्सर अस्पतालको पेट सिटी स्क्यान सेवाको समेत एक समारोहमाझ उद्घाटन गरेका छन् ।
