२०८१ साउन ६, आईतबार
Health Aawaj logo
गृहपृष्ठसमाचारनिधारमा लामखुट्टेको टोकाइपछि एक प्रशिक्षार्थी पाइलटको मृत्यु

निधारमा लामखुट्टेको टोकाइपछि एक प्रशिक्षार्थी पाइलटको मृत्यु


लामखुट्टेको टोकाइबाट मस्तिष्कसम्म संक्रमण फैलिएर एक प्रशिक्षार्थी विमानचालकको  ज्यान गएको एक अनुसन्धानले निष्कर्ष निकालेको छ । बेल्जियममा विमानचालकको तालिम लिन पुगेकी इंग्ल्याण्डकी २१ वर्षीया ओरियाना पेपरलाई निधारमा लामखुट्टेले टोकेको  पाँच दिनपछि गत वर्ष जुलाईमा मृत्यु भएको थियो।

फोकको ब्युरी सेन्ट एडमन्ड्सकी  ओरियानालाई   लामखुट्टेले उनको दाहिने आँखिभुइँको माथि टोकेको थियो । द सनका अनुसार ओरियानाको दाहिने आँखा सुन्नीएकोले २०२१  जुलाई ७ मा अस्पताल लगिएको थियो ।

उनलाई एन्टिबायोटिक दिएर र घर जान भनिएको थियो । दुई दिन पछि उनी ढलेपछि उनका प्रेमी जेम्स हलले उनलाई फेरि अस्पताल लगेका थिए । उनको तीन दिन पछि अस्पतालमा उनको मृत्यु भएको थियो । उनको मृत्युको कारणबारे हाल गरिएको अनुसन्धानको निष्कर्ष अदालतमा पेश गरिएको छ ।

सफोकका वरिष्ठ कोरोनर निगेल पार्स्लेले ओरियानाको मृत्यु निधारमा कीराको टोकाइबाट हुने गम्भीर संक्रमणका कारण भएको जनाए। पोस्टमार्टममा  युवतीको मस्तिष्कमा संक्रमण फैलिँदा सेप्टिक एम्बोलीका कारण मृत्यु भएको पाइएको थियो।

-एजेन्सी


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ