काठमाडौँ – ललितपुर महानगरपालिकाले ५ देखि ११ वर्ष उमेर समूहका बालबालिकालाई कोभिड-१९विरुद्धको खोप फाइजर खोप लगाउन सुरु गरेको छ । सोमबारबाट महानगरले वडा नं १५, १६, १७, १८, १९, २० र २१ वडामा खोप अभियान सुरु गरेको हो ।
महानगरको अनुसार सो अभियान ३ दिनसम्म चल्ने छ । अभियानको दोस्रो दिन २२, २३, २४, २५,२६,२७, २८ र २९ नम्बर वडामा र तेस्रो दिन भने वडा नं १ देखि २९ नम्बर वडामै अभियान संचालन हुने महानगरले जनाएको छ ।
अभियान विहान ११ बजे देखि अपरान्ह ४ बजेसम्म संचालन हुने बताइएको छ ।
