२०८१ साउन १०, बिहीबार
Health Aawaj logo
गृहपृष्ठसमाचारश्रीलंकाको डरलाग्दो अवस्था : खाना र औषधीको लागि यौनकर्मी बन्दै महिला

श्रीलंकाको डरलाग्दो अवस्था : खाना र औषधीको लागि यौनकर्मी बन्दै महिला


श्रीलंकाको अवस्था दिनप्रतिदिन खराब हुँदै  गएको छ । त्यहाँको आर्थिक अवस्थाले जनजीवन सबै ध्वस्त पारेको छ। यहाँ खाद्यान्न र औषधी जस्ता आधारभूत वस्तुको अभाव छ । महँगीका कारण धेरै घरमा चुलो बल्न सकेको छैन । जसका कारण धेरै मानिस भोकै सुत्न बाध्य भएका छन् ।

यति मात्र होइन, देशमा गहिरो संकटका बीचमा महिलाहरु पनि देहव्यापारको व्यवसायमा लाग्न बाध्य भएका छन् । श्रीलंकामा  आफ्नो र आफ्नो परिवारको पेट भर्नका लागि महिलाहरु यौनकर्मी बन्नु परेको छ । एक रिपोर्ट अनुसार धेरै शहरहरूमा मानिसहरूसँग खाना र औषधीको लागि पैसा नभएको कारण वेश्यावृत्ति तीव्र गतिमा बढेको छ ।

यसबाट स्पष्ट हुन्छ कि श्रीलंकाको संकट औषधी, इन्धन र खाद्यान्नको मात्र होइन, यहाँ महिला उत्पीडन पनि नयाँ समस्याका रूपमा देखापरेको छ । प्रतिवेदनका अनुसार आयुर्वेदिक स्पा सेन्टरमा अन्धाधुन्ध वेश्यावृत्ति चलिरहेको छ । स्पा सेन्टरको आडमा ग्राहकका लागि खाटहरू राखेर स्पा सेन्टरको आडमा वेश्यालयको रुप दिइने गरेको छ । अधिकांश महिला कपडा उद्योगबाट आएका छन् । किनभने देशको अर्थतन्त्र ध्वस्त भएपछि जनवरीमा बन्द गर्नुपरेको थियो ।

प्रतिवेदनअनुसार कपडा उद्योगमा कार्यरत महिला रोजगारी गुम्ने डरले वैकल्पिक रोजगारीका रूपमा वेश्यावृत्तितर्फ लागेका छन् । एक यौनकर्मीलाई उद्धृत गर्दै, रिपोर्टमा भनिएको छ , ‘हामीले अहिलेको सबैभन्दा राम्रो विकल्प यो उद्योग हो र त्यसैले हाम्रो प्रवृत्ति यस दिशामा बढेको छ। कम्तिमा हामीले यसबाट खाना पाउँछौं।’

श्रीलंकाको ‘द मर्निङ’ पत्रिकाका अनुसार कपडा उद्योगमा काम बन्द भएपछि महिलाहरु देहव्यापारको व्यवसायमा लागेका छन् । यति मात्र होइन, आर्थिक मन्दीका कारण कपडा उद्योगका अधिकांशले रोजगारी गुमाउने पनि सम्भावना छ । यस्तो अवस्थामा जसको काँधमा परिवार चलाउने जिम्मेवारी छ, महिलाहरु यही वैकल्पिक बाटोमा हिँडिरहेका छन् ।

खानेकुरा, औषधिलगायतका सामान पाउन महिलाहरू पसलसँग शारीरिक सम्बन्ध राख्न बाध्य छन् । किनभने उनीहरूसँग यो बाहेक अर्को विकल्प छैन । रिपोर्टका अनुसार ग्राहकको अपीलमा महिलाहरूलाई असुरक्षित यौनसम्पर्क गर्न भनिएको छ। यति मात्र होइन, त्यसो गर्न नमानेमा उनलाई यातनासमेत दिइन्छ ।

-एजेन्सी

 


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ