२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ काठमाडौँ उपत्यकामा सक्रिय संक्रमित मात्रै १२७० जना, १० प्रतिशत पुग्यो संक्रमण दर

काठमाडौँ उपत्यकामा सक्रिय संक्रमित मात्रै १२७० जना, १० प्रतिशत पुग्यो संक्रमण दर


काठमाडौँ – काठमाडौँ उपत्यकामा २१६ जना नयाँ कोभिड-१९ संक्रमित भेटिएका छन् । स्वासथ्य तथा जनसंख्या मन्त्रालयका प्रवक्ता डा. समिरकुमार अधिकारीका अनुसार  पछिल्लो २४ घण्टाभित्र काठमाडौं उपत्यकामा नयाँ २१६ संक्रमित भेटिएका हुन् ।

उनका अनुसार संक्रमितमध्य काठमाडौंमा १८५, ललितपुरमा २२ र भक्तपुरमा ९ जनामा कोभिड संक्रमण पुष्टि भएको हो ।  काठमाडौंमा सक्रिय संक्रमितको संख्या मात्रै १२७० पुगेको छ । देशभर जम्मा सक्रिय संक्रमितको संख्या २२७६ रहेको छ ।

यस्तै, पछिल्लो २४ घण्टामा ३ सय ९१ जनामा संक्रमण पुष्टि भएको छ । भने, ४६ संक्रमित निको भएका छन्।

सक्रिय संक्रमितमध्ये होम आइसोलेसनमा २१४३ रहेका छन् । त्यस्तै, संस्थागत आइसोलेसनमा १३३ र आइसियूमा २१ जना संक्रमित रहेका  छन् ।

केहि महिना अगाडी १ प्रतिशत मात्र रहेको संक्रमण दर अहिले बढेर १० प्रतिशतको हाराहारीमा पुगेको प्रवक्ता अधिकारीले बताए ।  नेपालमा कोरोना संक्रमण बढ्न थालेको हुँदा सतर्कता अपनाउन प्रवक्ता अधिकारीले अनुरोध गरेका छन्।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ