२०८१ असार ११, सोमबार
Health Aawaj logo
गृहपृष्ठसमाचारअमेरिकाले ग-यो मंकीपक्स प्रकोपलाई राष्ट्रिय जनस्वास्थ्य संकटकाल घोषणा

अमेरिकाले ग-यो मंकीपक्स प्रकोपलाई राष्ट्रिय जनस्वास्थ्य संकटकाल घोषणा


संयुक्त राज्य अमेरिकामा मंकपक्सको संक्रमण तीव्ररुपमा बढेपछि राष्ट्रिय जनस्वास्थ्य संकटकाल घोषणा गरिएकाे छ। बिडेन प्रशासनले बिहीबार संयुक्त राज्य अमेरिकामा मोन्कीपक्सको प्रकोपलाई राष्ट्रिय जनस्वास्थ्य संकटकाल घोषणा गरेको हो।

देशका शीर्ष स्वास्थ्य अधिकारीले यसको पुष्टि गरेका छन्। विश्वमा अमेरिकाको साथै युरोपमा पनि संक्रमणका घटनाहरू रिपोर्ट भइरहेका छन्। अमेरिकी स्वास्थ्यमन्त्रीले यस कदमले रोगसँग लड्न थप बजेट र उपकरणहरूलाई अनुमति दिने अपेक्षा गरिएको उल्लेख गरे।

बुधबार अमेरिकामा मन्कीपक्सका केसहरूको संख्या ६,६०० नाघेपछि बाइडेन प्रशासनले यो निर्णय गरेको हो। संक्रमितमध्ये प्रायः सबै पुरुषसँग यौनसम्पर्क गर्ने पुरुष भएको पुष्टि भएको छ । अमेरिकी स्वास्थ्य र मानव सेवा सचिव जेभियर बेसेराले एक सम्मेलनमा भने, ‘हामी यस भाइरसप्रतिको हाम्रो प्रतिक्रियालाई अर्को तहमा लैजान तयार छौं, र हामी प्रत्येक अमेरिकीलाई मन्कीपक्सलाई गम्भीरतापूर्वक लिन आग्रह गर्दछौं।’

रोग नियन्त्रण र रोकथामका लागि अमेरिकी केन्द्रका निर्देशक रोशेल वालेन्स्कीले सो घोषणा गर्नाले संक्रमणको डाटाको उपलब्धता सुधार गर्न पनि मद्दत गर्ने बताए। राष्ट्रपति बिडेनले यस महिनाको सुरुमा क्यालिफोर्निया, इलिनोइस र न्यूयोर्कले आपतकालिन अवस्था घोषणा गरेपछि मन्कीपक्समा उनको प्रशासनको प्रतिक्रियालाई समन्वय गर्न दुई शीर्ष संघीय अधिकारीहरू नियुक्त गरेका छन् ।

विश्व स्वास्थ्य संगठन (डब्लुएचओ) ले पनि २३ जुलाईमा मंकीपक्सलाई विश्वव्यापी स्वास्थ्य आपतकाल घोषणा गरेको थियो। जुन यसको उच्च सतर्कता स्तर हो। गत महिना डब्ल्यूएचओको घोषणा एक समन्वयित अन्तर्राष्ट्रिय प्रतिक्रिया सुरु गर्न र खोप र उपचारलाई समर्थन गर्न कोष जुटाउन डिजाइन गरिएको थियो। यो रोग मध्य र पश्चिम अफ्रिकाका केही भागहरूमा दशकौंदेखि रहेको छ।  तर, यो बाहिर त्यति व्यापक भएको भने थिएन।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ