थप ५५३ जनामा कोभिड-१९ संक्रमण, ३ को भेन्टिलेटरमा उपचार हुँदै

काठमाडौँ – देशभर थप ५५३ जनामा कोभिड-१९ संक्रमण देखिएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ५५३ नयाँ संक्रमित थपिएका हुन्।

सोहीअवधिमा ४३३ जना कोभिडमुक्त भएका छन्। यस्तै, पछिल्लो २४ घण्टामा कुनै संक्रमितको मृत्यु भएको छैन।

आइतबार सक्रिय संक्रमितको संख्या ५ हजार ६ सय ५९ पुगेको छ । हाल आइसियूमा ४५ जना र ३ जनालाई भेन्टलेटरमा राखिएको मन्त्रालयले जनाएको छ।