नेपालमा थप ४४४ जनामा कोभिड-१९ संक्रमण, ३ जनाको मृत्यु

काठमाडौं-नेपालमा थप ४ सय ४४ जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा ४ सय ४४ जनामा कोभिड पुष्टि भएको हो ।

पछिल्लो २४ घण्टामा ३ सय ७ जना कोभिड-१९ संक्रमणमुक्त भएका छन् । यससँगै अहिलेसम्म कोभिड-१९ संक्रमणमुक्त हुनेको संख्या ९ लाख ८० हजार २ सय ४५ पुगेको छ ।

मन्त्रालयकाअनुसार पछिल्लो २४ घण्टामा ३ जनाको कोभिड-१९ संक्रमणबाट मृत्यु भएको छ । यससँगै अहिलेसम्म कोभिड-१९ संक्रमणबाट ११ हजार ९ सय ९८ जनाको मृत्यु भएको छ ।

बिहीबारसम्म नेपालमा ४ हजार १ सय ९९ सक्रिय संक्रमित रहेका छन् ।