स्वास्थ्यमा एकै पटक ३९ अधिकृत नियुक्त

काठमाडौं—स्वास्थ्य तथा जनसंख्यामा एकै पटक ३९ जना अधिकृतले नियुक्त पाएका छन् । सोमबार लोकसेवा आयोगबाट सिफारिस भएर आएका स्वास्थ्य समूहका ३९ जना अधिकृतस्तरका कर्मचारीलाई मन्त्रालयले नियुक्ति दिएको हो ।

नवनियुक्त स्वास्थ्यका अधिकृतहरुमा मेडिकल अधिकृत, डेन्टल सर्जन र बायोमेडिकल इन्जिनियर रहेका छन् ।

नयाँ नियुक्ति पाएका अधिकृतस्तरका कर्मचारी स्वास्थ्य सचिवद्वय डा. रोशन पोखरेल र देवकुमारी गुरागाई र निर्देशन दिदैं कार्यकालको शुभकामना दिएका थिए । उनीहरुलाई खाली ठाउँ हेरेर पदस्थापना गर्ने तयारी स्वास्थ्य मन्त्रालयको छ ।