सुर्खेतमा पाँच जनामा दादुरा पुष्टि 

सुर्खेत – सुर्खेतमा पनि दादुराका बिरामी भेटिएका छन् । सुर्खेतका तिन वटा पालिकामा पाँच जनामा दादुरा सङ्क्रमण पुष्टि भएको छ ।

वीरेन्द्रनगरमा तीन जना, गुर्भाकोट नगरपालिका एक जना र चिङगाड गाउँपालिकामा एक जनामा दादुरा सङ्क्रमण देखिएको प्रदेश स्वास्थ्य निर्देशनालयले जनाएको छ ।

छिमेकी जिल्ला बाँकेमा दादुराको सङ्क्रमण तीव्र भइरहेको बेला सुर्खेतमा पनि सङ्क्रमण देखिएकाले सतर्कता अपनाउन प्रदेश स्वास्थ्य निर्देशनालयका सूचना अधिकारी पदमबहादुर केसीले आग्रह गरे ।

प्रदेश स्वास्थ्य निर्देशनालय सुर्खेतले अहिले विभिन्न ठाउँमा परीक्षण र खोप अभियानलाई तीव्रता दिएको जनाइएको छ ।