२०८१ असार ६, बुधबार
Health Aawaj logo
गृहपृष्ठसमाचार१० घण्टा लगाएर पश्चिमाञ्चल क्षेत्रीय अस्पतालमा मुखभित्रको क्यान्सरको जटिल शल्यक्रिया

१० घण्टा लगाएर पश्चिमाञ्चल क्षेत्रीय अस्पतालमा मुखभित्रको क्यान्सरको जटिल शल्यक्रिया


पोखरा—पोखरा स्वास्थ्य विज्ञान प्रतिष्ठानको शिक्षण अस्पतालका रुपमा रहेको पश्चिमाञ्चल क्षेत्रीय अस्पतालमा मुखभित्रको क्यान्सरको जटिल शल्यक्रिया सफलतापूर्वक सम्पन्न भएको छ । पश्चिमाञ्चल अस्पतालका निर्देशक प्रा.डा. भरतबहादुर खत्रीकाअनुसार २९ माघमा पर्वतका ५४ वर्षीय पुरुषको मुखभित्रको जटिल क्यान्सरको शल्यक्रिया सफलतापूर्वक सम्पन्न भएको हो ।

‘मुखभित्रको तेस्रो स्टेजको क्यान्सर वाइड लोकल एक्सीजन एण्ड सुपराओहाइड अपरेसन विधीबाट हटाएर उक्त घाउमा बिरामीको आफ्नै बायाँ हातको मासु प्रत्यारोपण गरी गरिएको छ,’ डा. खत्रीले भने ।

उक्त शल्यक्रियामा अस्पतालका प्लास्टिक सर्जन डा. पियुष गिरीसहितको प्लास्टिक सर्जरी टिम, म्याग्जिलोफेसियल सर्जन डा. नारायण शर्मा लामिछानेसहितको दन्त चिकित्सक टिम संलग्न रहेको थियो । चिकित्सकहरुको टोलीले १० घण्टा समय लगाएर उक्त जटिल शल्यक्रिया सम्पन्न गरेको उनले बताए ।

शल्यक्रियापछि बिरामीको गलाको भित्री भाग पुननिर्माण सफलतापूर्वक सम्पन्न भएर ७ फागुनमा बिरामीलाई डिस्चार्ज गरिएको थियो ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ