२०८१ असार ३१, सोमबार
Health Aawaj logo
गृहपृष्ठसमाचार३ अर्ब २७ करोड रुपैयाँको स्वास्थ्य क्षेत्रमा प्रत्यक्ष वित्तिय प्रबन्ध परियोजना सुरु

३ अर्ब २७ करोड रुपैयाँको स्वास्थ्य क्षेत्रमा प्रत्यक्ष वित्तिय प्रबन्ध परियोजना सुरु


काठमाडौं—३ अर्ब २७ करोड रुपैयाँको स्वास्थ्य क्षेत्रमा प्रत्यक्ष वित्तिय प्रबन्ध परियोजना सुरु भएको छ । स्वास्थ्य तथा जनसंख्या मन्त्रालयकाअनुसार २० चैतबाट नेपालस्थित अमेरिकी अन्तर्राष्ट्रिय विकास नियोग (युएसआईडी)सँगको साझेदारीमा उक्त परियोजना सुरु भएको हो ।

मन्त्रालयका सहप्रवक्ता डा. समिरकुमार अधिकारीकाअनुसार यो परियोजनाले दशौं लाख नेपालीको स्वास्थ्य सुधारका लागि संघीय स्वास्थ्य तथा जनसंख्या मन्त्रालय, कर्णाली प्रदेशको सामाजिक विकास मन्त्रालय र सोही प्रदेशका तीन स्थानीय तहहरु गुराँस गाउँपालिका, वीरेन्द्रनगर नगरपालिकार र भेरीगंगा नगरपालिकालाई वित्तिय सहायता प्रदान गर्नेछ ।

यो परियोजनाअन्तर्गत उचित दिगो र उत्तरदायी स्वास्थ्य सेवा प्रदानका लागि संघ र प्रादेशिक तहमा स्वास्थ्य प्रणाली सुदृढीकरणका लागि काम गरिनेछ । ‘गुणस्तरीय स्वास्थ्य सेवामा समतामूलक पहुँच दिलाउन नेपाल स्वास्थ्य क्षेत्र रणनीति योजना २०२२—२०३० का लक्ष्यहरु हासिल गर्न सरकारलाई सहयोग गर्नेछ,’ डा. अधिकारीले भने ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ