२०८१ साउन ३, बिहीबार
Health Aawaj logo
गृहपृष्ठसमाचारनेपाल स्वास्थ्य व्यवसायी परिषद्को रजिष्ट्रारमा लिला भण्डारी नियुक्त

नेपाल स्वास्थ्य व्यवसायी परिषद्को रजिष्ट्रारमा लिला भण्डारी नियुक्त


काठमाडौं—नेपाल स्वास्थ्य व्यवसायी परिषद्को रजिष्ट्रारमा लिला भण्डारी नियुक्त भएका छन् । १० चैत्रमा बसेको मन्त्रिपरिषद्को बैठकले भण्डारीलाई परिषद्को रजिष्ट्रारमा नियुक्त गरेको हो ।

भण्डारी कास्की निर्मलपोखरी—९ का हुन् । १९ फागुनमा भण्डारीलाई स्वास्थ्य मन्त्रालयले सचिवस्तरीय निर्णय गर्दै निमित्त रजिष्ट्रारको जिम्मेवारी तोकेको थियो ।

११ फागुनमा परिषद्का रजिष्ट्रार पुष्प खनालको कार्यकाल सकिएपछि उक्त पद रिक्त रहेको थियो । राष्ट्रपति निर्वाचनका कारण रजिष्ट्रार नियुक्त प्रक्रिया लम्बिने भएपछि भण्डारीलाई कार्यवहाकको जिम्मेवारी दिएर परिषद् पठाइएको थियो ।

राष्ट्रपति र उपराष्ट्रपति निर्वाचन सकिएलगतै क्याबिनेट बैठकले निमित्त रजिष्ट्रार बनेका भण्डारीलाई नै रजिष्ट्रार नियुक्त गरेको हो ।

उनी यसअघि शुक्रराज ट्रपिकल तथा सरुवा रोग अस्पतालका इमर्जेन्सी विभाग प्रमुख रहेका थिए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ