२०८१ साउन ३, बिहीबार
Health Aawaj logo
गृहपृष्ठसमाचारवीरमा एक हप्ताभित्र महसुस हुने गरी सुधार देखिने स्वास्थ्यमन्त्रीको भनाइ

वीरमा एक हप्ताभित्र महसुस हुने गरी सुधार देखिने स्वास्थ्यमन्त्रीको भनाइ


काठमाडौं—स्वास्थ्य तथा जनसंख्या मन्त्री मोहनबहादुर बस्नेतले वीर अस्पतालको आकस्मिक निरीक्षण गरेका छन् । शुक्रबार मन्त्री बस्नेतले एक हप्ताभित्र बिरामीहरुले महसुस हुने गरी सुधार भएको देखिने बताए ।

विश्व स्वास्थ्य संगठनको महासभामा भाग लिएर काठमाडौं आएलगतै वीर अस्पताल पुगेका उनले त्यहाँको सेवा सुविधा सुधार गर्न नेतृत्वलाई निर्देशन दिएका छन् ।

वीर अस्पतालको सेवा सुविधा नसुध्रेसम्म देशका अन्य स्वास्थ्य संस्थाको सेवा सुधार गर्न नसकिने बताउदै मन्त्री बस्नेतले सबैभन्दा पहिले वीरको सेवा सुविधा सुधार हुनुपर्नेमा जोड दिए । ‘वीर अस्पताल देशको लिडर अस्पताल हो । वीरको सेवामा तत्काल सुधार हुनै पर्छ,’ उनले भने ।

वीरको सेवा सुधार्न हरेक चिकित्सकले इमान्दार प्रयास गर्नु पर्ने र त्यसका लागि आवश्यक सहयोग गर्न मन्त्रालय तयार रहेको मन्त्री बस्नेतको भनाइ छ ।

चिकित्सा विज्ञान राष्ट्रिय प्रतिष्ठान (न्याम्स) का निमित्त उपकुलपति डा. भुपेन्द्र बस्नेत र वीर अस्पतालका निर्देशक डा. सन्तोष पौडेलले वीर अस्पतालले प्रदान गरिरहेका सेवा र सुविधाका बिषयमा मन्त्री बस्नेतलाई जानकारी गराएका थिए । मन्त्री बस्नेतले वीर अस्पतालको टिकट काउन्टर, फार्मेसी, हेमोडाइलासिस, आईसीयु, आकस्मिक कक्ष, जनरल वार्ड, ग्यास्ट्रो, उपकुलपति कार्यालयलगायत महत्वपूर्ण विभागहरुको निरीक्षण गरेका थिए ।

सो क्रममा उनले टिकट काउण्टरको भिड कम गर्न र सेवा सहज बनाउन अनलाइनमार्फत टिकट काट्ने व्यवस्था मिलाएर त्यसको जानकारी सर्वसाधारणलाई हुने गरी व्यवस्था गर्न निर्देशन दिएका छन् । त्यसैगरीअस्पतालमा रहेका बेड र आईसियू बेड खाली भए नभएको जानकारी वेभसाइटमा राख्न समेत मन्त्रीले निर्देशन दिएका छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ