२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ न्याम्सका प्राध्यापकहरूले भने, ‘८ बजेबाट क्लिनिकल कार्य सुरु गर्नुपर्ने निर्णय अव्यवहारिक छ’

न्याम्सका प्राध्यापकहरूले भने, ‘८ बजेबाट क्लिनिकल कार्य सुरु गर्नुपर्ने निर्णय अव्यवहारिक छ’


काठमाडौं—सरकारले विहान ८ बजेबाट प्रि—प्रोन ड्युटी गर्नुपर्ने निर्णयलाई चिकित्सा विज्ञान राष्ट्रिय प्रतिष्ठान (न्याम्स)का प्राध्यापकहरुले अव्यवहारिक भनेका छन् । २९ असारमा न्याम्सका प्राध्यापकहरुको संस्था फ्याकल्टी डक्छर्स एशोसिएसन (एफडिए)ले विज्ञप्ती जारी गर्दै धेरै परिणामहरुका कारण यो निर्णय अव्यवहारिक भएको उल्लेख गरेको छ ।

अति जरुरी सूचना प्रकाशित गर्दै एफडिएले भनेको छ, ‘हामीले विहान ९ बजेदेखि ८ बजेसम्म ड्युटी आवर प्रि—पोन गर्ने हालैको सरकारी निर्णयलाई ध्यान दिएका छौं । हामीलाई लाग्छ कि धेरै परिणामहरुका कारण यो अव्यवहारिक छ ।’

सबैजसो विभागहरुको विहानको अडिट र क्लिनिकल कक्षाहरु विहान ८ बजे नै सुरु हुने उसले बताएको छ । तर, विहान ८ बजेबाट क्लिनिकल कार्य सुरु गर्दा गर्दा विहानको अडिट र क्लिनिक कक्षाहरुमा असर गर्ने एफडिएले जनाएको छ ।

उसले हालै गरिएको निर्णयमा आफूहरु असहमत रहेको जनाउँदैं यसमा आवश्यक संशोधनका लागि आग्रह गरेका छ ।

एफडिए न्याम्सका उपकुलपति डा. भुपेन्द्र बस्नेत अध्यक्ष रहेको न्याम्सका प्राध्यापकहरुको संगठन हो । डा. बस्नेतले आफू भिसी भएलगतै उक्त पदबाट राजीनामा दिएको जानकारी हेल्थआवाजलाई दिएका छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ