२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ उपप्रधानमन्त्री श्रेष्ठको स्वास्थ्यमा सुधार, जनरल वार्डमा सारियो

उपप्रधानमन्त्री श्रेष्ठको स्वास्थ्यमा सुधार, जनरल वार्डमा सारियो


काठमाडौं—चीन भ्रमणमा क्रममा अस्वस्थ भएर अस्पताल भर्ना भएका उपप्रधानमन्त्री तथा गृहमन्त्री नारायणकाजी श्रेष्ठको स्वास्थ्यमा सुधार भएको छ । शुक्रबार विहान उनलाई आईसीयुबाट जनरल वार्डमा सारिएको श्रेष्ठको सचिवालयले जनाएको छ ।

बिहीबार मुटु सम्बन्धी समस्या भएपछि अस्पताल भर्ना भएपछि उनी पेकिङ युनियन मेडिकल कलेज अस्पतालको इमर्जेन्सीमा भर्ना भएका थिए । डाइग्नोसिसका क्रममा उनमा ‘एक्युट मायोकार्डियल इन्फ्रयाक्स’ भएको पत्ता लागेको थियो ।

‘एक्युट मायोकार्डियल इन्फ्रयाक्स’ (मुटुको मासु अक्सिजन नपुगेर मर्न थालिसकेको अवस्था) हो । यो हर्ट अट्याककै अवस्था हो,’ कार्डियोभास्कुलर सर्जन डा. सन्जीतकुमार शाह भन्छन् ।

पेकिङ अस्पतालको क्याथ ल्याबमा उनको कोरनरी एन्जीयोग्राम गर्दा उनको लेफ्ट कोरनरी आर्टरीको अगाडिको शाखामा एकदमै नराम्रो ब्लकेज पाइएको थियो ।ब्लकेज भएको बायाँ धमनीमा बिहीबारै चिकित्सकहरुले स्टेन राखेका थिए ।

त्यसपछि उनलाई अस्पतालको आईसीयुमा चिकित्सकहरुको निगरानीमा राखिएको थियो ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ