२०८१ साउन ५, शनिबार
Health Aawaj logo
गृहपृष्ठसमाचारदूधजन्य खाद्यवस्तु तथा मिठाइको गुणस्तरमा ध्यान दिन व्यवसायीलाई आग्रह

दूधजन्य खाद्यवस्तु तथा मिठाइको गुणस्तरमा ध्यान दिन व्यवसायीलाई आग्रह


काठमाडौं– तिहारमा अधिक प्रयोग हुने दूधजन्य खाद्यवस्तु तथा मिठाइको गुणस्तरीय उत्पादन र स्वच्छ विक्री वितरण व्यवस्था मिलाउन आग्रह गरिएको छ । बुधवार महानगरपालिकाकी उपप्रमुख एवं बजार व्यवस्थापन तथा उपभोक्ता हित संरक्षण समितिकी संयोजक सुनिता डङ्गोलले तिहार नजिकिँदै गर्दा मिठाइ, दूधजन्य परिकार तथा खाजाका परिकारको उत्पादन र बिक्री वितरण गुणस्तरीय बनाउन व्यवसायीसँग आग्रह गरेकी हुन् ।

व्यवसायीको व्यावसायिक गतिविधिलाई सहज बनाएर उपभोक्ताहरूलाई स्वच्छ र गुणस्तरीय खाद्य पदार्थ बिक्री वितरण गर्नुपर्ने उनले बताएकी छन् । व्यवसायीहरूलाई चाडपर्वका समयमा अनुचित व्यावसायिक क्रियाकलाप गरेका कारण यो तिहारमा कसैलाई कारबाहीमा नपर्न समेत उनले आग्रह गरिन् ।

छलफलमा महानगरपालिकाका खाद्य स्वच्छता तथा गुणस्तर कार्यक्रमका विशेषज्ञ सल्लाहकार जीवनप्रभा लामाले, खाद्य प्रविधि तथा गुण नियन्त्रणका लागि जारी भएका मापदण्डको पालना गर्नेमा व्यवसायी आफैँ सचेत हुनुपर्नेमा जोड दिए। गलैँचा रङ्गाउन प्रयोग गरिने रङ्ग मिठाइमा भेटिएको विगत अनुभव सुनाउँदै उनले भने, ‘गाढा रङ्ग देखिएका खानेकुराबाट उपभोक्ता जोगिनु पर्छ ।’


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ