काठमाडौं—काठमाडौं विश्वविद्यालयले स्कुल अफ मेडिकल साइन्सेजका लागि प्रोफेसर, एसोसियट प्रोफेसर, एसिस्टेन्ट प्रोफेसर र लेक्चर माग गरेको छ । बिहीबार विश्वविद्यालयले एक सूचना प्रकाशित उक्त पदहरुका लागि ३९ जना माग गरेको हो ।
विश्वविद्यालयले १० जना प्रोफेसरका लागि आवेदन माग गरेको छ । जसमा इन्टरनल मेडिसिन २ जना, अर्थोपेडिक्समा १ जना, पेडोडोन्टीस १ जना, मेडिकल टेक्नोलोजीमा १ जना, पब्लिक हेल्थमा १ जना, रेडियोलोजी/इमेजिङ टेक्नोलोजीमा १ जना, अप्थाल्मोलोजीमा १ जना, जनरल प्रायक्टिस १ जना र नर्सिङ विधाका लागि १ जना प्रोफेसर माग गरिएको हो ।
यसैगरी, सर्जरी १ जना, जनरल मेडिसिनमा १ जना, अप्थाल्मोलोजी १ जना, अर्थोपेडिक्समा १ जना, एनाटोमी १ जना, कम्युनिटी मेडिसिन १ जना, साइकोलोजीमा १ जना, अर्थोडोन्टीस १ जना र फिजियो थेरापीमा २ जना गरी १० जना एसोसियट प्रोफेसर माग गरेको छ ।
केयुले स्कुल अफ मेडिकल साइन्सेजका लागि विभिन्न विधाका १३ जना एसिस्टेन्ट प्रोफेसर र ६ जना लेक्चरको पदपूर्तिका लागि समेत आवेदन माग गरेको छ ।
