२०८१ वैशाख २, आईतबार
Health Aawaj logo
गृहपृष्ठसमाचाररक्तदाताले दान गरेको रगत बिरामीले निःशुल्क पाउनु पर्छः स्वास्थ्य मन्त्री बस्नेत 

रक्तदाताले दान गरेको रगत बिरामीले निःशुल्क पाउनु पर्छः स्वास्थ्य मन्त्री बस्नेत 


काठमाडौं– स्वास्थ्य तथा जनसङ्ख्या मन्त्री मोहनबहादुर बस्नेतले रक्तदाताले दान गरेको रगत बिरामीले उपचार गराउँदा निःशुल्क पाउनु पर्ने बताएका छन् ।  शुक्रवार  नेपाल लोकतान्त्रिक शैक्षिक परामर्श सङ्घले बागबजारमा आयोजना गरेको रक्तदान कार्यक्रममा रक्तदाताहरूलाई प्रमाणपत्र वितरण गर्दै स्वास्थ्य मन्त्री बस्नेतले बिरामीले आवश्यक पर्दा रगत निःशुल्क पाउनु पर्ने बताएका हुन ।

मन्त्री बस्नेतले भने, ‘ दान गरेको रगत निःशुल्क हुनु पर्छ । निःशुल्क गराउने पक्षमा काम भइरहेको छ । म ब्लड ब्याग समेत निःशुल्क हुनु पर्छ भन्ने पक्षमा छु । ’ रगतको अभाव हुन नदिन सङ्घले आयोजना गरेको कार्यक्रम प्रशंसनीय भएको बताउँदै मन्त्री बस्नेतले आफू पनि हरेक प्राकृतिक विपत्तिका बेला रक्तदान अभियानमा संलग्न भएको स्मरण गर्दै कोभिड १९ का बेला मात्र देशका विभिन्न ४० भन्दा बढी जिल्ला पुगेर सयौँ वटा रक्तदान कार्यक्रम आयोजना गरेर हजारौँको ज्यान बचाएको बताए ।

स्वास्थ्य तथा जनसङ्ख्या मन्त्रालयको जिम्मेवारी सम्हालेपछि आफूले गरिब र विपन्नको उपचार निःशुल्क गराउन हरेक अस्पतालमा १० प्रतिशत शैय्या विपन्नका लागि निःशुल्क गराएको र देश भरिका सङ्घीय अस्पतालको जनरल बेड निःशुल्क गराएको दाबी गरे ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ