काठमाडौं– शल्य चिकित्सकहरुको छाता संस्था सोसाइटी अफ सर्जन्स नेपालको अध्यक्षमा डा. रोमियो कंसाकार चयन भएका छन् । सोसाइटीको १५ औं अन्तर्राष्ट्रिय सम्मेलनमा जारी अधिवेशनबाट डा. कंशाकार चयन भएका हुन् ।
१३ सदस्यीय नयाँ कार्यसमितिमा निवर्तमान अध्यक्षमा डा. सुनील कुमार शर्मा, वरिष्ठ उपाध्यक्ष डा. रोविन जोशी, उपाध्यक्ष डा. विकल घिमिरे रहेका छन् । यस्तै महासचिवमा डा. शैल रुपाखेती, कोषाध्यक्षमा डा. सुमिता प्रधान, सहसचिवमा डा. अनीप जोशी र सह-कोषाध्यक्षमा डा. रोशन घिमिरे चयन भएका छन्।
यसैगरी कार्यसमितिको सदस्यहरूमा डा. रुपेश मुखिया, डा. प्रनिल राई, डा. टंक प्रसाद बोहोरा, डा. सुशील ढुंगेल र डा. उत्सवमान प्रधान रहेका छन् ।
सन् १९९२ मा स्थापित एसएसएनमा अहिले ५८० भन्दा बढी शल्य चिकित्सक आबद्ध रहेका छन् ।
