वीरमा बिरामीलाई दिइने खाना, अक्सिजन र अत्यावश्यक औषधिका लागि साढे ४ करोड निकासा

काठमाडौं—अर्थ मन्त्रालयले बजेट कटौतीका कारण आर्थिक समस्या झेलिरहेको वीर अस्पताललाई साढे ४ करोड रुपैयाँ निकासा दिएको हो । अर्थले वीर अस्पतालले बिरामीहरुलाई खुवाउँदैं आएको खाना, अक्सिजन र अत्यावश्यक औषधि खरिदका लागि साढे ४ करोड रकम निकासा दिएको हो ।

अस्पतालका निर्देशक डा. सन्तोष पौडेलले अर्थले साढे ४ करोड रुपैयाँ तीन वटा शीर्षकमा खर्च गर्न भनेर निकासा दिएको जानकारी दिए ।

झण्डै २ करोड रुपैयाँ रकम भुक्तानी नपाएको भन्दैं लिक्विइड अक्सिजन सप्लायर्स शंकर अक्सिजनले अक्सिन आपूर्ति रोक्न भन्दैं वीरलाई पत्राचार गरेको थियो ।

वीर अस्पतालले १ सय ३३ वर्षदेखि बिरामीलाई खुवाउँदैं आएको खाना सरकारले बजेट अभाव भन्दैं यही आर्थिक वर्षबाट कटौती गरिदिएको थियो । बिरामी खानाका लागि दिइने १ करोड ६७ लाख रुपैयाँ बजेट कटौती भएपछि वीरले बिरामीलाई खाना दिन बन्द गरेको थियो ।