जुम्ला—खार्पुनाथ गाउँपालिका–५ स्थित डाँडाबाडा याङचुकी ३९ वर्षीया लक्ष्मी सिंह आगलागीबाट गम्भीर घाइते भइन् । जिल्लामा अस्पताल हुम्लामा भर्ना भएको एक सातासम्ममा पर्याप्त स्रोत साधनको अभावले उपचार हुन नसकेपछि थप उपचारका लागि जिल्लाबाहिर रेफर गरियो ।
घाइतेको अवस्था जटिल र जिल्ला अस्पतालमा पर्याप्त स्रोत साधनको अभावले जिल्ला बाहिर रेफर गर्नु परेको स्वास्थ्य सेवा कार्यालय हुम्लाकी निमित्त कार्यालय प्रमुख सरिता बोहराले बताइन् ।
घरदेखि आधा घण्टा दूरीको पूर्वस्थित घाँसे मेलामा २५ माघ दिउँसो आगो निभाउने क्रममा सिंहको अनुहार र दुवै हात खुट्टामा आगोले पोलेर घाइते भइन् । सोही दिन खार्पुनाथ गाउँपालिका स्वास्थ्य चौकीमा उपचार गरिएको थियो । तर, घाइतेको त्यहाँ पनि उपचार हुन नसकेपछि २६ माघमा जिल्ला अस्पतालमा रेफर गरिएको थियो ।
जिल्ला अस्पतालमा एक हप्ता राखेर उपचार गरेपनि स्वाथ्यमा सुधार नआएपछि थप उपचारका लागि १ फागुनमा जिल्ला बाहिर रेफर गरेको घाइतेका पति मकर सिंहले बताए । अस्पतालमै पर्याप्त स्रोत साधन भएको भए जिल्ला बाहिर लिनु नपर्ने उनले गुनासो गरे ।
‘घरको आर्थिक अवस्था निकै कमजोर छ । बिरामी बेडमा छट्पटाइरहेको छ,’ उनले भने । जिल्ला बाहिर लिँदा हवाई भाडासमेत नभएकाले सुर्खेतस्थित प्रादेशिक अस्पताल काला गाउँमा कसरी लैजाने भन्दै समस्यामा परेको उनले बताए ।
