२०८३ मंसिर १, मंगलवार
Health Aawaj logo
गृहपृष्ठ ∕ कर्णाली प्रदेश ∕ पाँच वर्षभित्र वीरेन्द्रनगर नगरपालिकालाई क्षयरोगमुक्त बनाइने

पाँच वर्षभित्र वीरेन्द्रनगर नगरपालिकालाई क्षयरोगमुक्त बनाइने


वीरेन्द्रनगर—आगामी पाँच वर्षभित्र सुर्खेतको वीरेन्द्रनगर नगरपालिकालाई क्षयरोगमुक्त बनाउने प्रतिबद्धता व्यक्त गरिएको छ । राष्ट्रिय क्षयरोग नियन्त्रण कार्यक्रमलाई प्रभावकारी कार्यान्वयनका लागि क्षयरोगमुक्त अभियान पहल कार्यक्रममार्फत नगरपालिकालाई आगामी पाँच वर्षभित्र क्षयरोगमुक्त बनाउने प्रतिबद्धता व्यक्त गरिएको हो ।

यसका लागि सामूहिक हस्ताक्षर समेत गरिएको छ । सेभ द चिल्ड्रेनका मिमबहादुर सिंहले वीरेन्द्रनगर नगरपालिकामा क्षयरोगबारे प्रकाश पार्दै पाँच वर्षभित्र वीरेन्द्रनगरलाई क्षयरोगमुक्त बनाउने योजना प्रस्तुत गरे ।

वीरेन्द्रनगर नगरपालिकामा गत वर्ष ३८२ जना क्षयरोगका नयाँ बिरामी फेला परेका छन् । तीमध्ये २४५ जनाको उपचार भइरहेको छ । फेला परेकामध्ये १३७ जना अर्थात् ३६ प्रतिशत बिरामी सम्पर्कबाहिर छन् ।

अहिले वीरेन्द्रनगरका क्षयरोगका बिरामीको उपचार दर ८९ प्रतिशत छ । क्षयरोगमुक्त पालिका बनाउन उपचार दर ९५ प्रतिशत पु¥याउनुपर्ने हुन्छ । यस्तै, बिरामीको सङ्ख्या प्रति १० लाखमा एक जनाभन्दा कम हुनु पर्छ ।


क्याटेगोरी : कर्णाली प्रदेश, समाचार



तपाईको प्रतिक्रिया दिनुहोस


ट्रेण्डिङ