ट्रमा सेन्टरको मेसुमा डा. रिजाल, तुईतुईलाई वीर अस्पताल

काठमाडौं–स्वास्थ्य तथा जनसंख्या मन्त्रालयले राष्ट्रिय ट्रमा सेन्टरको मेडिकल सुपरिटेण्डेन्ट परिर्वतन गरेको छ ।

सोमबार स्वास्थ्यमन्त्री प्रदीप पौडेलले मन्त्रीस्तरीय निर्णय गर्दै सेन्टरका मेसु डा. रुद्र मरासिनीलाई हटाएर त्यही कार्यरत चिकित्सक डा. बद्री रिजाललाई नियुक्त गरेका हुन् ।

डा. रिजाल नेपाल चिकित्सक संघका उपाध्यक्ष पनि हुन् ।

त्यसैगरी, शुक्रराज ट्रपिकल तथा सरुवा रोग अस्पतालकी नर्सिङ प्रमुख रोशनी तुईतुईलाई वीर अस्पताल सरुवा गरेका छन् ।

स्वास्थ्य सेवा विभागको व्यवस्थापन महाशाखामा लामो समयदेखि कार्यरत डा. सुरेन्द्र चौरासियाको पनि सरुवा गरेका छन् । उनको स्थानमा उपचारात्मक महाशाखाबाट दयाकृष्ण पन्तलाई लगिएको छ ।