सर्वोच्चद्वारा डा. संगीताको रिटमा अन्तरिम आदेश दिन अस्वीकार

काठमाडौं—डा. संगीता मिश्राले स्वास्थ्य सचिव नियुक्ति विषयलाई लिएर हालेको रिटमाथि सर्वोच्च अदालतले अन्तरिम आदेश दिन अस्वीकार गरेको छ । बुधबार सर्वोच्चका न्यायाधीसद्वय डा. मनोजकुमार शर्मा र टेकप्रसाद ढुंगानाको संयुक्त इजलासले अन्तरिम आदेश दिन अस्वीकार गरेको हो ।

यसअघि उनको रिटमा कारण देखाउ आदेश र निर्णय फाइल झिकाउने आदेश भएको थियो । तर, बुधबार शर्मा र ढुंगानाको इजलासले अन्तरिम आदेश नदिएसँगै सरकारको निर्णय यथावत हुने भएको छ ।

२१ फागुनमा मन्त्रिपरिषद्को बैठकले डा. विकास देवकोटालाई स्वास्थ्य सचिवमा नियुक्त गरेको थियो ।

१ चैतमा डा. मिश्रा आफू वरियतामा र सिफारिसमा अगाडि रहेको भएपनि सरकारले अन्यायपूर्ण तवरले स्वास्थ्य सचिव नियुक्त गरेकाले उक्त निर्णय कार्यन्वयन नगर्ने अन्तरिम आदेश माग गर्दै सर्वोच्च गएकी थिइन् ।