आयोगको १९ औं बैठक जारी: पिजीको सिट पुनरावलोकनसहित आवासीय चिकित्सकको निर्वाह भत्ता ४८ हजार कायम हुँदै

काठमाडाैं ।  चिकित्सा शिक्षा आयोगले १६ औँ बैठकमा गरेको निर्णयअनुसार आवासीय चिकित्सकहरुको निर्वाह भत्ता दिने निर्णयलाई कार्यान्वयन गर्ने भएको छ । आयोगको अध्यक्षसमेत रहेका प्रधानमन्त्री केपी शर्मा ओलीको अध्यक्षतामा सिंहदरबारमा बसेको १९ औं बैठकले आवासीय चिकित्सकहरुको निर्वाह भत्ता ४८ हजार ७३७ रुपैयाँ दिने निर्णयलाई कार्यान्वयन गर्ने निर्णय गरेको एक सदस्यले जानकारी दिए ।

आयोगको १८ औं बैठकले एमबीबीएस, बीडीएसको सिट र शुल्क परिमार्जन गर्नका लागि शिक्षा सचिव डा। दीपक काफ्लेको संयोजकत्वमा ११ सदस्यीय कार्यदल समेत गठन गरेको थियो । सोही समितिको सिफारिसलाई कार्यान्वयन गर्ने तयारी गरेको एक सदस्यले बताए ।

१६ औं बैठकको निर्णयलाई निजी मेडिकल कलेजहरुले अहिलेकै अवस्थामा कार्यान्वयन गर्न नसकिने भन्दै आएका थिए । भने, चिकित्सकहरुले भने आयोगको निर्णय गर्नुपर्ने माग राख्दै आन्दोलन गर्दै आएका छ । तर, आयोगले भने बीचको बाटो प्रयोग गर्दै यूजी र पीजीको सिट संख्या तथा शुल्क पुनरावलोकन गर्ने तयारीमा गरेको छ ।