दातृ निकायले दिए खोप ढुवानीका लागि सरकारलाई पाँच अत्याधुनिक भ्यान

काठमाडौं —नेपाल सरकारलाई खोप ढुवानीको लागि प्रयोग हुने विभिन्न दातृ निकायमार्फत ५ वटा अत्याधुनिक भ्यान प्राप्त भएका छन् । स्वास्थ्य सेवा विभाग व्यवस्थापन महाशाखाकाअनुसार गाभीले युनिसेफमार्फत ४ वटा र एएचआई ६० बाट १ भ्यान प्राप्त भएको जनाएको छ ।

व्यवस्थापन महाशाखाका निर्देशक केशवराज पण्डितले दातृ निकायबाट प्राप्त खोप ढुवानीको लागी प्रयोग हुने भ्यान आवश्यक दर्ता प्रक्रिया पूरा गरी सुदूरपश्चिम, कोशी, र मधेश प्रदेश सरकारलाई हस्तान्तरण गरिएको बताए ।

‘हाललाई २ भ्यान विभागमै राखिएको छ,’ उनले भने, ‘अन्य प्रदेशलाई हस्तान्तरण गरिएको छ । आवश्यकताअनुसार थप हस्तान्तरण गर्छौ ।’