स्वास्थ्य बीमा बोर्डको कार्यकारी निर्देशक पदको दरखास्त रद्ध

काठमाडौं—स्वास्थ्य तथा खाद्य स्वच्छता मन्त्रालयले स्वास्थ्य बीमा बोर्डको कार्यकारी निर्देशक पदको दरखास्त रद्ध गरेको छ । मंगलबार एक सूचना प्रकाशित गर्दै मन्त्रालयले उक्त जानकारी दिएको हो ।

स्वास्थ्य बीमा ऐन, २०७४ मा स्वास्थ्य बीमा बोर्डको कार्यकारी निर्देशक लोक सेवा आयोगको अध्यक्ष वा निजले तोकेको आयोगको सदस्यको संयोजकत्वमा गठित सिफारिस समितिले दरखास्त आव्हान गर्ने व्यवस्था छ ।

तर, स्वास्थ्य मन्त्रालयले उक्त कानुनी प्रावधानलाई कुल्चेर यसअघि २ असारमा कार्यकारी निर्देशकका लागि दरखास्त माग गरेको थियो ।